西班牙、葡萄牙12天精華遊 （交通篇）

第一次去歐洲旅遊，好多人都會選擇法國、意大利。而我既number 1 選擇係「雙牙」- 西班牙+葡萄牙。


出走日期 : 10-21 Sep 2017
地點 : 西班牙+葡萄牙


交通

係交通篇我會分享下訂來回機票，內陸機及租車。因為我地係自駕既關係，我就提供唔到地鐵或者巴士資料。

機票
用左Asia Mille 120,000 積分換機票 兩張來回巴塞隆拿(BCN) 機票 Economy，去程係坐FINNAIR 係芬蘭首都 "赫爾辛基" 轉機 10.5HR + 4.5HR，回程由巴塞隆拿(BCN)直飛到香港11.5HR。
我地兩張機票都唔駛額外補錢，只係機場稅每人$1080。係BOOK既過程我地發現幾個重點: 

  • 最少要有一程係轉機既，唔可以兩程都直航。
  • 如果兩程都係轉機要補既稅金係貴過只係一程要轉機既。所以係國泰個網站揀機票時，有好多唔同的價錢組合，最平個D通常都有一程係坐返國泰機直航。
  • 我地係香港出發當日，係FINNAIR既櫃位發現可以即時加$843 Upgrade Premium Econ 或者 $4300 Business ，最後我地選擇左Premium Econ。

租車

因為我非常享受駕駛既樂趣，所以我係每一個地點都選擇唔同既車試揸幾日。搵車既時候我大部份都係用CARFLEXI，佢地係中介公司而唔係租車公司 (就好似BOOKING.COM) 會列出不同租車公司的車種及收費。揀車既時候要注意以下幾點 :

  • 城市既路好多都好乍好細，盡量選擇細車

  • 自動波價錢貴過手波很多
  • 車既語言都係西班牙文為主，不過睇圖都明白既

  • 大部份車都免費包含過境牌照費
  • 收車後影低車身情況是基本

  • 還車時是否入滿油都會影響租車費，基本上機場附近一定有油站，只需要還車時多預15分鐘左右時間就OK，所以我都係選擇FULL/FULL
  • 我第一次揸左呔車，我發現自己成日靠右駛

  • 有些顯示租金好平既車，可能只包好少既公里數。如果要TOWN TO TOWN基本一定唔夠 
  • PICK UP 地點是機場當然好，但我試過落機係T1，攞車係T4而T4係要坐半個鐘巴士去既，咁既情況，還車就要預更多時間
  • 基本上每一間提供既服務都差唔多，選擇時只要考慮價錢/車種/行車里數/氣油政策
我今次旅程揸過 Hyundai / Opel /Smart /Mini Cooper ，個人認為OPEL同MINI比較好揸。當架車死左火，只要踩返深個"極力子" 呢兩款車都會自動著車，非常方便。OPEL仲有Apple Carplay 功能。


##旅程亮點 - 拖車
我地係西維爾去到AIRBNB 附近打算CHECK-IN，但因為兜左幾個圈都搵唔到車位。就係呢個時候我見到一個車位，情況正正就如下圖一樣 :(因為當時太驚慌，所以無影相。但係GOOGLE 街景可以重現返當時情況)

成條街都泊滿車，但係突然出現左個空既車位。雖然我都有發現有個不准泊車既路牌，但念住咁多車係到，同埋都要CHECK IN放低行李都再揸車走架啦，所以就泊低左架車。大約30分鐘後，我就出返去打算攞返架車去食飯。去到個車位發現成架車無左，我當時真係嚇到心都跳出黎，雖然話歐洲治安唔好都唔係成架車偷走嘛，仲要係平車，車內亦無$。我立即返去BNB搵個屋主幫忙，個屋主好好人立即同我去架車泊既位置了解。去到屋主話我知，我地泊左架車係傷殘位所以比政府既人拖走左，我好奇怪地問屋主點降指有我地架車比人拖走，佢就指出比我睇原來個路牌有講只有我地個位係唔可以泊車。放大下圖有個貼紙遮住左少少個個原來係箭咀，指明只有我地個位係殘位。
之後我老婆發現到條燈柱貼左張三角型的貼紙寫住左我地既車牌號碼，仲有個電話號碼，屋主幫我地打去了解，幫我地查左個地點同攞返架車既方法 :

首先, 我地搭的士去到一家私人既拖車公司 (保安都好深嚴，應該係怕有人搶車)。我地出示左個張三角型的貼紙，佢就話我地知要比 EU$200拖車費。比完錢就可以攞返架車，但還比左一張政府既罰單我。個職員同我地講只要帶同現金到銀行付罰款就可以了。但因為當時已經係6PM 而且第二朝9點到機場搭飛機，所以我地必須即時處理左張罰款單。個職員唔識講英文，我地對答左好耐，大約估到佢既意思係叫我地去搵一間叫 CAIXA既銀行櫃員機付款。我地就立即動身攞返架車同搵CAIXA既銀行櫃員機。 CAIXA既銀行櫃員機係有好多既唔難搵，但中間操作既時候遇上"好多好多"困難，所以我地用左"好多好多"時間去左"好多好多"唔同既櫃員機，總之最後我地搵到一對好熱心既情侶攪到10PM先成功比到錢。留意返，付款既其中一步係叫你入NIF NUMBER，NIF NUMBER 就係司機既PASSPORT Number。


內陸機

原本打算自駕遊由巴塞隆拿出發一路開車到葡萄牙就飛返巴塞隆拿再返香港。但當中有以下問題 :

 1) 巴塞隆拿租車/波圖還車會收取數千元既ONEWAY FEE
2) 我地睇過有一D城市既距離太遠，要連續駕駛超過5個鐘
3) 可以提供過境及ONEWAY既租車公司唔多

 所以最後我地決定係每個城市都搭內陸機，內陸機既選擇非常多，價錢亦非常便宜。我地用左  https://www.cheaptickets.hk/ 黎搵幾票選擇比較多，搵到岩既機票時間及價錢就去返航空公司既網頁買飛。以下係我搭既內陸機公司同價錢比大家參考下 : 

巴塞隆拿 (BCN) TO 波圖 (OPO)
航空公司 : Ryanair
時間 : 2hrs (葡萄牙係慢西斑牙一個鐘)
機票價錢: $35 (包15kg 行李)

 里斯本 (LIS) TO 馬德里 (MAD)
航空公司 : EasyJet
時間 : 1hrs (葡萄牙係慢西斑牙一個鐘)
機票價錢:$70 (包20kg 行李)

馬德里 (MAD) TO 西維爾 (SVQ)
航空公司 : Iberia
時間 : 1hr (葡萄牙係慢西斑牙一個鐘)
機票價錢: $70 (包23kg 行李)

 西維爾 (SVQ) TO 巴塞隆拿 (BCN)
航空公司 : Vueling 
時間 : 1.5hrs (葡萄牙係慢西斑牙一個鐘)
機票價錢:$60 (包23kg 行李)
其他分享 :

 西班牙、葡萄牙12天精華遊 （吃喝玩樂篇）
https://royaltravelhk.blogspot.hk/2017/11/12_11.html

西班牙、葡萄牙12天精華遊 （住宿篇）
https://royaltravelhk.blogspot.hk/2017/11/12.html

西班牙、葡萄牙12天精華遊 （交通篇）
https://royaltravelhk.blogspot.hk/2017/10/12.html











位置： 香港

留言

張貼留言